Inauguración exposición "Galicia Imaxinada nas revistas da emigración" na Casa Galega da Cultura

O martes 10 de novembro, ás 12:00 h,  inaugúrase na sala de exposicións da Casa Galega da Cultura (praza da Princesa, 2) a exposición "Galicia Imaxinada nas revistas da emigración", organizada polo Consello da Cultura Galega, coa colaboración da Concellería de Cultura; a mostra está comisariada por Chus Martínez Domínguez.

A exposición tenta un achegamento a este popular órgano de comunicación que crearon as distintas asociacións da emigración galega, principalmente en América, analizando o seu contexto histórico, as súas tipoloxías, os seus deseños ou os seus contidos e orientacións, etc; dende as primeiras publicacións no século XIX ata os anos posteriores á guerra civil de 1936 que dou lugar á aparición das manifestacións editoriais do exilio.

A exposición permanecerá aberta ao público ata o 6 de decembro.