EXPOSICIÓN “DIVINO PROFANO. CULTOS, IMAXES E SIGNIFICADOS” - (MUSEO MUNICIPAL “QUIÑONES DE LEÓN”)

Descripción: 

Este vindeiro martes 17 de xaneiro, ás 12:00 h, terá lugar no Museo "Quiñones de Léon" de Castrelos a inauguración da exposición "Divino Profano. Cultos, imaxes e significados", promovida pola Concellería de Cultura.

O obxectivo da mostra é amosar como a arte pretende transmitir sentimentos, ideas e, sobre todo, valores ao espectador, e é capaz, nesa función comunicativa, de suscitar respostas emotivas. Dende os comezos da creación artística, a arte reflicte un modo de entender o mundo que nos rodea, adquirindo a súa vez un compoñente estético, unha función social ou soamente ornamental. Tanto nos seus aspectos estéticos ou ornamentais, a arte ten unha función comunicativa inherente; transmite mensaxes que lle son coñecidos a quen a contempla, independentemente do espazo e do tempo.

Esta exposición presenta unha serie de imaxes que naceron pola existencia dun culto que as motivou e, ao mesmo tempo, orixinaron unha devoción en quen as contemplou. Diferénciase nestes cultos, os divinos e profanos, e como se conxugan en moitos casos nunha mesma obra de arte.

A exposición permanecerá aberta ao público ata o 14 de xaneiro de 2018.

Data: 
Mar (17/01/2017) a Dom (14/01/2018)
Horarios: 
INAUGURACIÓN (17-01-2017): 12:00 h – RESTO PERÍODO EXPOSITIVO: de martes a venres: 10:00 h a 14:00 h – Sábados: 17:00 h a 20:00 h - Domingos e festivos: 11:00 h a 14:00 h - Luns pechado (incluídos festivos)
Lugar: 
Museo “Quiñones de León” de Castrelos (parque de Castrelos s/n, 36213 Vigo)
Organizador: 
Concellería de Cultura
Acceso: 
Gratuíto
AnexoTamaño
PDF icon folleto_expo_divino_profano.pdf2.47 MB