Concerto de Stephen Kovacevich e Pablo Galdo

A Asociación Música Clásica de Galicia, recén constituída neste ano 2015, fai o seu acto de presentación cun concerto no Teatro Afundación Vigo (r/ Policarpo Sanz, 13), o martes 17 de novembro ás 20:30 h, a cargo de Stephen Kovacevich e Pablo Galdo. A iniciativa conta coa colaboración da Concellería de Cultura.

Stephen Kovacevich é un pianista e director de orquestra de fama mundial, considerado un dos músicos máis respetados da súa xeración. Como director de orquestra, ten estado ao fronte da London Mozart Players, a Royal Liverpool Philharmonic e a Vancouver Symphony Orchestra. Como pianista tense gañado a admiración polas súas inolvidables interpretacións de Beethoven, Brahms, Mozart e Schubert. Artista nominado ao Grammy, Kovacevich ten unha larga lista de gravacións para Philips e EMI. En 1967 fixo o seu debut en Nueva York e, dende entón, ten realizado xiras por Europa, EE.UU., Lejano Oriente, Nova Zelandia e América do Sur. Ten colaborado con artistas da talla de Martha Argerich, Renaud Capucon ou Jacqueline Du Pre.

Pablo Galdo é un dos pianistas españois máis destacados da súa xeración. Formado en España, Hungría, Austria e Rusia, ten ofrecido concertos en máis de 35 países e actuado xunto a músicos de renome mundial como Zoltan Kocsis, Lilya Zilberstein, Imre Rohmann ou Asier Polo, entre outros. Ten gravado 2 cds e actualmente compaxina a súa actividade concertistica co seu posto de profesor de piano na "Universidad Alfonso X el Sabio" de Madrid e no “Conservatorio Superior de Música de Vigo”. Ten ofrecido master-class en diferentes universidades do mundo, destacando a Universidade F. Chopin de Varsovia ou a prestixiosa Fundación Bareboim Said en Palestina ou a Escuela Buchmann Mehta da Universidad de Tel Aviv.

PROGRAMA:
Berg: Sonata para piano.
Debussy: En Blanc et noir. Obra para 2 pianos (xunto ao pianista Pablo Galdo)
Schubert: Sonata D960.