“FITNESS” DE IBUPROFENO TEATRO – (PERCORRIDO CENTRO DE VIGO)

Fitness é un espectáculo itinerante, no que a pallasa Marián Bañobre percorrerá en bicicleta o centro de Vigo, desde a Porta do Sol até o Mercado do Progreso, facendo deporte en todas as súas variedades, interaccionando e captando a atención dos transeúntes para presentar a programación “Vigocultura” que se desenvolverá no Auditorio do Concello entre febreiro e abril de 2017.

Desde o humor e a sutileza dunha clown muda e con certo aire de misterio, ofrecerase un retrato crítico de certos clixés construídos socialmente arredor do universo feminino, relacionados coa obsesión polo aspecto físico, o coidado do corpo e a saúde, detrás dos que hai emocións máis íntimas como a autoafirmación ou a soidade.

Compañía: IBUPROFENO TEATRO.

Xénero: teatro de rúa.

Autoría, escenografía e vestiario: Marián Bañobre.

Dirección: Santiago Cortegoso.

Elenco artístico: Marián Bañobre.

Percorrido: Porta do Sol e rúa Príncipe. Desde a Praza da Princesa até a farola de Urzáiz.

Público: todos os públicos.

Duración: 60 minutos.

PROGRAMA COMPLETO NO ARQUIVO QUE SE ACHEGA.

PROGRAMA RESUMIDO NO SEGUINTE ENLACE.