Noticias

A Biblioteca Municipal "Neira Vilas" presenta a súa programación para o período xullo-setembro, que inclúe actividades diversas, dirixidas a todos os públicos, como "Os sabadiños do Roque", os talleres "Achégate a..." adicados á pintura, á astronomía e á internet, e a mostra blibliográfica "viaxes".

O concerto inaugural de Imaxina Sons con Luisa Sobral transládase ao Auditorio Municipal do Concello.

Entrada libre con aforo limitado previa retirada de convite na billeteira a partir das 21h.

A persistente choiva do mércores 20 e durante a madrugada do xoves 21 conduciron ao concello de Vigo a mudar o escenario inaugural do 8º Festival de Jazz de Vigo Imaxina Sons, ao non poder cumprir co plan de montaxes previstas. O concerto de Luisa Sobral trasládase ao Auditorio Municipal do Concello no mesmo horario (xoves 21, 22h) para así poder garantir a realización do espectáculo. Estaba previsto que a estrea de Imaxina Sons tivese lugar na terraza do Auditorio Mar de Vigo, nunha contorna ao aire libre, aínda que finalmente o factor metereolóxico dificultou a montaxe e a viabilidade do concerto, que supón a presentación en Galicia da cantante portuguesa. O concello de Vigo, organizador do festival, contempla nesta edición o cambio ao escenario cuberto do Auditorio Municipal, ante unha posible cancelación por condicións climatolóxicas adversas, daqueles concertos previstos en espazos abertos.

O concerto de apertura do 8º Imaxina Sons o xoves 21 de xuño no Auditorio Municipal do Concello, a cargo de Luisa Sobral, mantén o mesmo horario (22h) con entrada libre, pero co aforo máis limitado e con retirada previa de invitación. Desde as 21h, unha hora antes do comezo do espectáculo, a billeteira do Auditorio Municipal estará aberta para retirar os convites, sendo seis o número máximo por persoa.

O concello de Vigo prégalles disculpen as molestias orixinadas polo cambio e anímaos a gozar da oitava edición do Festival de Jazz de Vigo Imaxina Sons, cuxo programa se desenvolve desde hoxe xoves 21 até o vindeiro sábado 30 de xuño.

A Concellería de Cultura e Festas ven de asinar un novo convenio de colaboración coa federación de bandas de música populares de Vigo, para a organización do programa de concertos para este ano 2012; en total son nove agrupacións musicais que realizarán máis de 90 actuacións durante todo o ano, e distribuídas por todos os barrios da cidade.

A viguesa Pilar Alonso (1972) remata a súa última serie en torno a La Diva coa edición dun artbook que ordena o relato sobre a depredadora de soños e confirma a importancia da narratividade na súa produción artística. Proxección do vídeo La Diva. O libro será presentado na Fundación Laxeiro (Policarpo Sanz 15, 36202 Vigo), o vindeiro martes, 19 de xuño ás 20.00h. Na presentación proxectaráse o vídeo do mesmo título, realizado por Oswaldo García e dirixido por Pilar Alonso e despois intervirá a propia artista e o crítico, comisario e historiador Carlos López Bernárdez, quen escribiu un texto para a devandita publicación.